Александр Николаевич Филатов

From UzEnc
Jump to navigation Jump to search

Филатов Александр Николаевич (1930.1.10, Челябинск вилояти) — математик ва механик олим. Ўзбекистон Фанлар академияси мухбир аъзоси (1974), физикамат, фанлари доктори (1969), профессор (1970). Ўрта Осиё университетининг физикаматематика факултетини тугатган (1953). Ўзбекистон Фанлар академияси Математика ва механика институтида аспирант (1953—56), илмий ходим (1957— 61). Механика ва иншоотларнинг сейсмик мустаҳкамлиги институтида, сўнг ҳисоблаш марказли Кибернетика институтида лаборатория мудири (1961—69), директор ўринбосари (1969—79). Россия Гидрометеорология маркази директори (1979 йилдан). Илмий ишлари, асосан, дифференсиал ва интегродифференсиал тенгламалар назариясига асимптотик усулларни қўллашга оид. Ф. интеграл ва интегродифференсиал тенгламаларнинг ўрталаштириш ва баркарорлаш усулларини ишлаб чиққан.

Манбалар[edit | edit source]

  • Методи усреднения в дифференсиалних и интегродифференсиалних уравнениях, Т., 1971; Асимптотические методи в теории дифференсиалних и интегродифференсиалних уравнений, Т., 1974; Интегралниэ неравенства и теория нелинейних колебаний, М, 1976 (в соавторстве).