Komilov, Abdulaziz Hafizovich

Abdulaziz Hafizovich Komilov Абдулазиз Ҳафизович Комилов
Oʻzbekiston Respublikasi tashqi ishlar vaziri
2012-yil 13-yanvardan
Prezident:	Islom Karimov Shavkat Mirziyoyev
Oʻtmishdoshi:	Elyor Gʻaniyev
Oʻzbekiston Respublikasi tashqi ishlar vaziri
1994-yil 11-sentabrdan — 2003-yil 14-martgacha
Prezident:	Islom Karimov
Vorisi:	Sodiq Safoyev
Tavalludi:	16-noyabr 1947 (1947-11-16) Yangiyoʻl, Oʻzbek SSR
Bolalari:	Doniyor Komilov
Mukofotlari:	Шаблон:Oʻzbekiston mustaqilligiga 20 yil nishoni

Abdulaziz Hafizovich Komilov (16-noyabr, 1947, Yangiyoʻl) — oʻzbekistonlik siyosatchi. 2012-yildan beri Oʻzbekiston Respublikasi tashqi ishlar vaziri. 1994-2003-yillarda ham aynan shu lavozimda ishlagan.

Hayoti

Abdulaziz Komilov 1947-yil Yangiyoʻl shahrida tugʻilgan. 1972-yil SSSR Tashqi ishlar vazirligining Diplomatik akademiyasini bitirgan. 1978-80-yillarda SSSR Fanlar akademiyasining Sharqshunoslik boʻlimida oʻqigan. Komilov tarix fanlari nomzodidir.

Siyosiy karyerasi

Komilov 1973-1976-yillar Sovet Ittifoqining Livandagi elchixonasida attashe oʻlaroq ishlagan. 1980-1984-yillarda Sovet Ittifoqining Suriyadagi elchixonasida ikkinchi kotib sifatida ishlagan. 1984-1988-yillarda esa Oʻzbek SSR Tashqi ishlar vazirligining Yaqish Sharq ishlari boʻlimida ishlagan.

1988-1991 yillarda SSSR Fanlar akademiyasining Jahon iqtisodi hamda tashqi ishlar boʻlimida ishlagan. 1991-1992-yillarda Oʻzbekistonning Rossiya Federatsiyasidagi elchixonasi maslahatchisi oʻlaroq faoliyat yurtigan. 1992-1994-yillarda Oʻzbekiston milliy xavfsizlik vaziri oʻrinbosari oʻlaroq ishlagan.

1994-yil Komilov Oʻzbekiston tashqi ishlar vaziri etib tayinlangan. 1998-2003-yillarda Jahon iqtisodiyoti va diplomatiya universiteti rektori. 2003-yil Komilov oʻrniga Sodiq Safoyev tashqi ishlar vaziri etib tayinlangan. Buning ortidan Komilov Oʻzbekiston prezidentiga tashqi ishlar boʻyicha maslahatchi oʻlaroq ishlay boshlagan.

2003-yil Komilov Oʻzbekistonning AQSh hamda Kanadadagi elchisi etib tayinlangan. 2008-yil Komilov mamlakatnign Braziliyadagi elchisi sifatida ham ishlay boshlagan. 2010-yil tashqi ishlar vaziri oʻrinbosari lavozimida ishlay boshlagan. 2012-yilga kelib tashqi ishlar vaziri etib tayinlangan.

Mukofotlari

Komilov Fidokorona xizmatlari uchun ordeni, „Mehnat shuhrati“, „Doʻstlik“, „Oʻzbekiston belgisi“ va „Oʻzbekiston Respublikasi mustaqilligiga 20 yil“ davlat mukofotlari bilan taqdirlangan.

Oilasi

Komilov Sharof Rashidovning qizi Gulnora Rashidovaga uylangan. O'gli - Doniyor.