Belorussiya davlat universiteti
Belorussiya universiteti, Belorussiya davlat universiteti — 1921 yil Minsk shahrida tashkil etilgan. Universitet tarkibida biol., geogr., tarix, jurnalistika, mexanika-mat., amaliy mat. va informatika, radiofizika va elektronika, fizika, falsafa-iqtisod, kimyo, yuridik, xalqaro munosabatlar, xorijiy fuqarolar uchun tayyorlov, oliy oʻquv yurtlari oʻqituvchilari malakasini oshirish, amaliy mat. va EHM boʻyicha malaka oshirish fakultetlari, shuningdek biznes va texnologiyalar axboroti maxsus fakulteti bor; 14,4 ming talaba oʻqiydi, 121 kafedrada 1410 oʻqituvchi, jumladan 190 prof. va fan doktori, 800 dan ortiq dotsent va fan nomzodi ishlaydi. Sirtqi boʻlimi mavjud. 1927 yildan aspirantura, 1988 yildan doktorantura ishlaydi. Universitetda 3 ilmiy tadqiqotlar instituti, nashriyot, hisoblash-axborot va ilmiy-injenerlik markazlari, asosiy kutubxona, 3 muzey, "Hemislitsa" ilmiytajriba xoʻjaligi, "Naroch" biologiya st-yasi, "Zapadnaya Berezina" ilmini.ch. geografik baza bor.
Adabiyotlar[править | править код]
- OʻzME. Birinchi jild. Toshkent, 2000-yil
 | Ушбу мақолани ёзишда Ўзбекистон миллий энциклопедияси (2000-2005) маълумотларидан фойдаланилган. |