Bir makon, bir yoʻl

Bir makon, bir yoʻl (рус. Оди́н по́яс и один путь; xit. 一带一路), shuningdek "Bitta kamar – bitta yoʻl", "Bitta belbogʻ – bitta yoʻl" deb ham yuritiladi, — Xitoy hukumati tomonidan 2013-yilda eʼlon qilingan, Yevropa, Osiyo va Afrikadagi mamlakatlarga infratuzilmani rivojlantirish uchun investitsiyalarni kiritishni koʻzda tutadigan, rivojlanish strategiyasi. Oʻshanda ushbu taklif "Ipak yoʻlining iqtisodiy belbogʻi" va "21-asrning dengiz ipak yoʻli" loyihalarini birlashtirgan.

"Makon" avtomobil va temir yoʻl transporti orqali oʻtadigan quruqlikdagi marshrutlarni anglatadi, "yoʻl" esa dengiz yoʻllarini anglatadi.

Xitoy ushbu strategiyani amalga oshirish uchun 40 dan ortiq mamlakat va xalqaro tashkilotlar bilan hamkorlik toʻgʻrisida shartnomalar imzolagan.