Trapetsiya

Trapetsiya (yun. trapezion — stolcha) — ikki qarama qarshi tomoni parallel boʻlgan toʻrtburchakdir. Odatda, qolgan ikki tomoni parallel emas deb oʻrganiladi. Trapetsiyaning parallel tomonlari trapetsiyaning asoslari, parallel boʻlmagan tomonlari esa uning yon tomonlari deyiladi. Yon tomonlarining oʻrtalarini A tutashtiruvchi kesma trapetsiyaning oʻrta chizigʻi deyiladi. U trapetsiya asoslariga parallel va asoslari yigʻindisining yarmiga teng . Trapetsiya asoslari orasidagi masofa trapetsiyaning balandligi deyiladi. Yon tomonlari teng boʻlgan trapetsiya teng yonli trapetsiya deyiladi.Teng yonli trapetsiyaga tashqi aylana chizish mumkin. Teng yonli trapetsiya simmetriya oʻqiga ega. Trapetsiyaning yuzi asoslari uzunliklari yigʻindisining yarmi bilan balandligining koʻpaytmasiga teng. Trapetsiya yon tomonlarining davomlari kesishgan nuqtani uning diagonallari kesishgan nuqta bilan tutashtiruvchi toʻgʻri chiziq trapetsiyaning asoslarini teng ikkiga boʻladi.