Moskva davlat universiteti
Moskva universiteti, M . V . Lomonosov nomidagi Moskva davlat universiteti — Rossiyadagi ilmiy va pedagog kadrlar tay-yorlaydigan eng yirik oliy oʻquv yurti. 1755 yil M. V. Lomonosov tashabbusi bilan tashkil qilingan. Dastlab falsafa, huquq va tibbiyot fakultetlari boʻlgan. Un-t podsho Rossiyasida ilgʻor fan va maʼrifat markazi boʻlgan. Unda yirik olimlar tuplanib, turli ilmiy yoʻnalishlar shakllangan. Un-tda A. N. Radishchev, A. S. Griboyedov, M. Yu. Lermontov, V. G. Belinskiy, A. I. Gersen, A. N. Ostrovskiy, I. S. Turgenev, K. D. Ushinskiy, A. P. Chexov va boshqa mashhur kishilar oʻqigan. 1940 yil M. V. Lomonosov nomi berilgan. Fizika, mat., kimyo, biol., geol., geogr., filol., tarix, falsafa, psixologiya, huquq va boshqa sohalar boʻyicha mutaxassislar tayyorlaydi. Tarkibida 18 fakultet, Osiyo va Afrika mamlakatlari instituti, oliy oʻquv yurtidan keyingi taʼlim va oʻqituvchilar malakasini oshirish muassasalari, dar-slar fransuz tilida olib boriladigan kollej bor. Un-tda 200 dan ortiq kafedra va 430 ilmiy tadqiqotlar laboratoriya va stansiya, 4 ilmiy tadqiqotlar instituti (mexanika, yadro fizikasi, P. K. Shternberg nomidagi astronomiya, D. N. Anuchin nomidagi antropologiya), hisoblash markazi, 4 rasadxona, 3 muzey, Botanika bogʻi, ilmiy kutubxona (1756 yil tashkil etilgan; 6 mln.dan ortiq asar saqlanadi), nashriyot (1927 yil tashkil etilgan) mavjud. 1992 yil universitet oʻzini oʻzi boshqaruvchi Rossiya davlat oliy oʻquv yurti makrmini oldi. Un-tda 25 mingdan ortiq talaba taʼlim oladi, 9 mingga yaqin ilmiy pedagogik xodim ishlaydi.[1]
M. V. Lomonosov nomidagi Moskva davlat universiteti (MDU) | |
---|---|
Asl nomi | рус. Московский государственный университет имени М. В. Ломоносова (МГУ) |
Xalqaro nomi | Lomonosov Moscow State University |
Asos solingan | 1755-yil |
Oʻquv yurti turi | universitet |
Rektori | Viktor Antonovich Sadovnichiy |
Manzili | Moskva, Leninskiye gori mikrotumani va Moxovaya koʻchasi Rossiya |
Vebsayti | msu.ru |
Filiallari Править
Moskva davlat universitetining boshqa shaharlarda filiallari mavjud. MDU ilk filiali 1999-yilda Ukrainaning Sevastopol shahrida ochildi. Bir yil oʻtib, yaʼni 2000-yilda Qozogʻiston poytaxti Astanada Moskva davlat universiteti filiali ochildi. 2006-yili Oʻzbekiston poytaxti Toshkentda, 2008-yili Ozarbayjon poytaxti Bokuda, 2009-yili Tojikiston poytaxti Dushanbeda, 2015-yili esa Armaniston poytaxti Yerevanda ushbu universitet filiali ochildi.
-
Sevastopoldagi MDU filiali
-
Toshkentdagi MDU filiali
-
Bokudagi MDU filiali
-
Dushanbedagi MDU filiali
Manbalar Править
Ушбу мақолани ёзишда Ўзбекистон миллий энциклопедияси (2000-2005) маълумотларидан фойдаланилган. |