Toshmuhamedova, Dilorom Gʻofurjonovna
Toshmuhamedova Dilorom Gʻofurjonovna (1962-yil 19-dekabrda tavallud topgan) - Oʻzbekistonlik siyosatchi. 2008-2015 yillarda Oʻzbekiston Respublikasi Oliy Majlisi Qonunchilik palatasi spikeri[1].
| Toshmuhamedova Dilorom Gʻofurjonovna | |
| Тошмуҳамедова Дилором Ғофуржоновна | |
| Tavallud sanasi: | 19-fevral 1962 (62 yosh) |
| Tavallud joyi: | Toshkent viloyati, OʻzSSR |
| Fuqaroligi: |  Oʻzbekiston
|
| Partiyasi: | Oʻzbekiston „Adolat“ sotsial-demokratik partiyasi |
Tarjimai holi
Toshkent viloyatida xizmatchi oilasida dunyoga kelgan.
1984-yilda Toshkent Davlat tibbiyot institutini va 2003-yilda Davlat va jamiyat qurilishi akademiyasini tugatgan [1]. Maʼlumoti boʻyicha shifokor.
Toshmuhamedova birinchi marotaba 2001-yilda, oʻsha paytlar bir palatalik boʻlgan, Oliy Majlisga saylangan.
2005-yilda Oʻzbekiston „Adolat“ sotsial-demokratik partiyasi birinchi sekretari lavozimiga saylangan va partiyaning parlamentdagi fraksiya raisiga aylangan.
Partiya 2007-yil prezident saylovlarida uni oʻzidan nomzod sifatida koʻrsatdi[2]. U Oʻzbekiston prezidentlik saylovida ishtirok etgan birinchi ayol nomzod boʻlgan. Saylov natijasiga koʻra, u 2,94% (434 ming 111 nafar) saylovchilar ovozlarini yigʻdi[3].
2008-yil 23-yanvarda u Oliy Majlis Qonunchilik palatasi spikeri etib saylandi[4].
2015-yil 5-yanvar kungi Oliy Majlis Qonunchilik palatasining 1-majlisida uning oʻrnini deputat, Mudofaa va xavfsizlik qoʻmitasi raisi Nuriddinjon Ismoilov egalladi [5].
2018-yilda Vazirlar Mahkamasi huzuridagi "Oila" ilmiy-amaliy tadqiqot markazi direktori sifatida faoliyat yuritdi.
Manbalar
- ↑ 1,0 1,1 Ўзбекистон Республикаси Олий Мажлиси Қонунчилик палатаси расмий сайти parliament.gov.uz | Тошмуҳамедова Дилором Ғофуржоновна
- ↑ “Adolat” sotsial-demokratik partiyasi siyosiy kengashining plenumi | OʻzA
- ↑ O‘zbekiston Respublikasi Markaziy saylov komissiyasida | OʻzA
- ↑ O'zbekiston Respublikasi Oliy Majlisi Qonunchilik palatasining Spikerini saylash to'g’risida | OʻzA
- ↑ Парламент Узбекистана руководит Нуриддин Исмоилов
Yana qarang
Turkum:Oʻzbekiston:Yetakchilar Turkum:Kishilar: Oʻzbekiston Turkum:Oʻzbekiston prezidentligiga nomzodlar