Shavkat Ibrohimovich Karimov

Shavkat Ibrohimovich Karimov
Oʻzbekiston Respublikasi Sogʻliqni saqlash vaziri
1991-yildan — 1998-yilgacha
Prezident:	Islom Karimov
Oʻtmishdoshi:	lavozim ta'sis etilgan
Vorisi:	Feruz Nazirov
Tavalludi:	21-iyun 1943 (1943-06-21) Toshkent

Karimov Shavkat Ibrohimovich (1943.21.6, Toshkent) — xirurg olim. Oʻzbekiston FA akad. (1996), Oʻzbekistonda xizmat koʻrsatgan fan arbobi (1993), tibbiyot fanlari d-ri (1981), prof. (1983). ToshTI ni tugatgan (1966). ToshTI xirurgiya kafedrasi izlanuvchisi, assistenti va dotsenti (1969— 76), Kardiologiya i.t. instituti ilmiy ishlar boʻyicha direktor muovini (1976—79), 1979 y.dan ToshTI gospital fakultet xirurgiyasi kafedrasi mudiri. Oʻzbekiston Respublikasi Sogʻliqni saqlash vaziri (1991—98), "Oʻzbekiston tibbiyot jurnali" bosh muharriri (1991—98). K.ning ilmiy ishlari aorta va qon tomir kasalliklari, jigar sirrozi va mexanik sariklik, endovaskulyar va endobiliar jarrohlik, oʻtkir peritonitning ogʻir asoratlari, oʻpka va plevraning oʻtkir va surunkali, shuningdek, jadal jarrohlik kasalliklari, qandli diabetni xirurgik usulda davolashni takomillashtirishga oid. Nyu-York (1995), Kaliforniya (1996) akademiyasi, Rossiya tibbiyot FA (2001) akad. Gepatopankreatoduodenal xirurgiya Yevropa assotsiatsiyasi (1987), N.I. Pirogov nomidagi xirurglar assotsiatsiyasi (1996), Rossiya Gepatologlar xirurgiyasi assotsiatsiyasi (2000) aʼzosi.